«Вашынгтон» Протаса правёў «Ноч лап» – тлумачым, навошта гульцы прыехалі на арэну ў суправаджэнні сабак
Рыхтуйце свой міміметр 😍.
У «Вашынгтон Кэпіталс» Протаса справы нарэшце пайшлі ў гару. Пасля невыразнага старту каманда намацала свой гульнявы рытм і выдала невялікую серыю з трох перамог.
Апошні матч супраць «Вегаса», які адбыўся 15 лістапада, запомніўся не толькі сухой перамогай 3:0, але і добрай акцыяй ад клуба, зладжанай сумесна з Pedigree.
Падчас дабрачыннага мерапрыемства, мэта якога - дапамагчы сабакам з прытулку адшукаць сапраўдную сям'ю, гульцы «Вашынгтон» прыбылі на сваю хатнюю арэну ў суправаджэнні чатырохлапых сяброў:
Кожны хакеіст атрымаў кампактнага пёсіка, з якім пазіраваў для фотакамер:
На самой арэне размясцілі партрэты сабак:
Адзін са шчанюкоў паспеў знайсці новы дом яшчэ да матчу, прычым пры ўдзеле гульцоў: спачатку рудога шчанюка ўзяў на ператрымку форвард Конар Макмайкл, а потым назусім нападаючы Хендрыкс Лап'ер. Вось такая камандная праца.
Пры гэтым у клубе не абмежаваліся толькі запрашэннем сабак на гульню. «Кэпіталс» знялі каляндар з сабакамі і коцікамі, якія маюць патрэбу ў гаспадарах. Гульцы прыходзілі на здымкі цэлымі сем'ямі. Аляксей Протас здымаўся ў кампаніі жонкі Таццяны і дачкі Алісы:
Каляндар паступіць у продаж 26 лістапада, а ўсе атрыманыя сродкі пойдуць на дапамогу бяздомным жывёлам.