Грэм Потэр: «Стэрлінг і Маўнт не згуляюць з «Эвертанам», у Кантэ ёсць шанец быць у складзе»

Галоўны трэнер «Чэлсі» Грэм Потэр распавёў пра кадравую сітуацыю ў камандзе напярэдадні матчу з «Эвертанам».

«У Стэрлінга праблемы з падкаленным сухажыллем. Гэта не надта сур'ёзная траўма, але заўтра ён не згуляе, за зборную таксама.

Тое ж з Маўнтам, у яго пашкоджанні. Усё яшчэ адсутнічаюць Ціяга Сілва і Сезар Аспілікуэта, але ёсць шанец, што ў складзе будзе Кантэ», – сказаў Потэр.

Сустрэча адбудзецца заўтра, 18 сакавіка. Пачатак – у 20:30.