Пачэціна пра 0:1 з «Мідлзбра»: «Гэта лёгка растлумачыць – у першым тайме мы дапусцілі памылкі, і нас за гэта пакаралі»

Галоўны трэнер «Чэлсі» Маўрысіа Пачэціна пракаментаваў паражэнне ад «Мідлзбра» (0:1) у першым матчы 1/2 фіналу Кубка англійскай лігі.

«Гэта лёгка растлумачыць. У першым тайме мы дапусцілі некалькі памылак, і нас за гэта пакаралі. Мы стваралі моманты, але не забілі, мы былі недастаткова дакладнымі. У другім тайме мы дамінавалі, але не стварылі дастаткова момантаў. «Мідлзбра», вядома, заслугоўвае павагі.

Гэта толькі першыя 90 хвілін, першая палова супрацьстаяння, і мы прайграваем 1:0. Праз два тыдні ў нас будзе матч у адказ, і мы павінны верыць, што зможам выйграць гульню і выйсці ў фінал. Гэта наша мэта.

Арманда (Броя – заўв.) вярнуўся пасля траўмы, з-за якой прапусціў год, і ён гуляў некалькі дзён таму. Ён не можа гуляць як іншыя, нам трэба кіраваць сытуацыяй. Праз тры дні ў нас наступная гульня, ён павінен пачаць яе ў старце.

У такой сітуацыі іграку цяжка выходзіць у старце ў трох матчах запар, якія пройдуць менш, чым за сем дзён. Калі ён выйшаў на поле разам з Мудрыкам (на замену на 63-й хвіліне – заўв.), ім было цяжка ўвайсці ў гульню, ствараць моманты, і ў выніку яны не змаглі дапамагчы нам забіць або змяніць вынік», – сказаў Пачэціна.

Матч у адказ пройдзе 23 студзеня.