Андрэй Васільеў: «Кожную хвіліну «Нёман» чуў падтрымку. «Дынама» там не было чуваць, толькі некаторымі момантамі ў паўзе»
Расійскі абаронца гродзенскага «Нёмана» Андрэй Васільеў падзяліўся эмоцыямі пасля паўфінальнага матчу Кубка Беларусі супраць мінскага «Дынама» (2:0).
– Як складваўся матч?
– Цяжка, усе бачылі. Выстаялі першы тайм, а потым даціснулі, выкарысталі свае моманты ў другім.
– Ты доўга не гуляў. Сёння выйшаў у стартавым складзе, правёў добры матч, забіў пераможны гол. Падзяліся эмоцыямі.
– Пасля доўгай паўзы прыемна забіць і прысвяціў гол зразумела каму.
– Сёння, такое пачуццё, што ўвесь горад жыў футболам. Наколькі гэта адчувалася?
– Кожную хвіліну мы чулі гэтую падтрымку. «Дынама» там не было чуваць, толькі некаторымі момантамі ў паўзе. Дзякуй вялікі заўзятарам, што прыйшлі, падтрымлівайце нас таксама і мы будзем старацца паказваць добры вынік.
– Чаго чакаеш ад фіналу?
– Перамога. Толькі перамогі! – сказаў Васільеў.