РПЛ: «Рубін» Мартыновіча прайграў «Спартаку», «Балтыка» Лісаковіча саступіла «Растову» і іншыя матчы
З 18 па 20 траўня пройдуць матчы каманд з беларускай прысутнасцю ў 29-м туры РПЛ.
18 траўня
«Дынама» Андрэя Кудраўца перамагло «Крылы Саветаў» Ягора Карпіцкага і Кірыла Пячэніна (4:1). Пячэнін выйшаў на 81-й хвіліне, Карпіцкі і Кудравец правялі ўсю гульню на лаўках запасных.
19 траўня
«Урал» Віктара Ганчарэнкі, Ягора Філіпенкі, Уладзіслава Малькевіча, Валерыя Бачарова, Дзяніса Шчарбіцкага і Арцёма Канцавога згуляў унічыю з «Арэнбургам» Міхаіла Сівакова і Цімафея Мартынава (3:3). Філіпенка, Малькевіч, Бачароў, Канцавы і Сівакоў усю гульню правялі на лаўцы запасных, Шчарбіцкі і Мартынаў не патрапілі ў заяўку, Мартынаў – з-за траўмы.
«Рубін» Аляксандра Мартыновіча прайграў у гасцях маскоўскаму «Спартаку» (1:3). Мартыновіч выйшаў з першых хвілін і быў заменены на 70-й.
«Балтыка» Віталя Лісаковіча, Юрыя Кавалёва і Кірыла Капленкі прайграла «Растову» (1:2). На 43-й хвіліне Лісаковіч, які выйшаў з першых хвілін, аформіў гол, не залічаны з-за афсайда. Капленка выйшаў з першых хвілін і быў заменены на 46-й, Кавалёў выйшаў з першых хвілін і быў заменены на 62-й.