Трэнер «Шахцёра» Чупрыс пра перамогу над «Нёманам»: «Атрымалася ўсё тое, да чаго мы ішлі з пачатку перадсезонкі»
Галоўны трэнер «Шахцёра» Яраслаў Чупрыс пракаментаваў перамогу над «Нёманам» (4:0) на Кубку Салея.
– З перамогай! Важная перамога, добрая гульня. Сёння, напэўна, атрымалася ўсё тое, да чаго мы ішлі з пачатку перадсезонкі, тое, што не атрымалася з «Лідай» абсалютна, сёння мы ўбачылі. Першы перыяд... так, мы яго выйгралі, але гульня, можна сказаць, была роўная, небяспечных момантаў хапала ў абедзвюх каманд. Далей мы забілі класныя галы, выстаялі ў меншасці. Усё атрымалася сёння. Хуткі быў, класны хакей – з «Нёманам» заўсёды так, каманда гуляе ў атаку – гэта сучасна, гэта выдатна!
На трыбунах проста вар'ятка атмасфера! Дзякуй за вашыя галасы, веру, падтрымку, гуляць пры такіх трыбунах вельмі прыемна!
– Будзе гульнявая паўза больш за тыдзень, як плануеце яе правесці?
– Спачатку ў каманды будзе два выходныя, а потым перадсезонка... другая... будзем працаваць, можа, не так інтэнсіўна, вядома, але папрацуем, пастараемся знайсці спарынгі.
– У каманду вярнуўся Георгій Анаркулаў, але «рамку» сёння даверылі Аляксею Снытко.
– Мы рады вяртанню Георгія ў каманду, але значыць былі сёння правы з Лехай. Дзве гульні на нуль, усё сумленна – заслужыў, – сказаў Чупрыс.
