Яўген Летаў: «Была невялікая скаванасць у дзеяннях «Нёмана», адчувалася, што хлопцы нервуюцца»
Галоўны трэнер «Нёмана» Яўген Летаў пракаментаваў праход «Гомеля» ў плэй-оф Экстралігі.
– Гульня бачылася да першай закінутай шайбы: хто забʼе, той і пераможа. Згодныя?
– Так, сапраўды. Вельмі шмат акуратнічалі, была невялікая скаванасць у нас у дзеяннях, адчувалася, што хлопцы нервуюцца, але здавацца ніхто не збіраўся. Малайцы, што знайшлі шляхі, якія прывялі да перамогі. І, вядома ж, дзякуй вялікі за падтрымку нашым заўзятарам, і тую атмасферу, якую яны ствараюць на арэне.
– Што парадавала вас больш: што не прапусцілі ці што закінулі тры шайбы?
– Тут усё роўна, які лік, важна, як скончылася гульня: перамогай або паразай. Вельмі радуе, што яна скончылася для нас перамогай. Па-першае, спадабалася тое, што хлопцы працавалі адзін на аднаго і адзін за аднаго. Натуральна, гэта і адбілася на самой гульні, – сказаў Летаў.