Дзмітрый Квартальнаў: «У эпізодах прымаем няслушныя рашэнні, хочам расіянаў, абыграць, зрабіць цуд, а трэба згуляць трошкі прасцей»
Галоўны трэнер зборнай Беларусі Дзмітрый Квартальнаў пракаментаваў паразы ад «Расіі-25» у таварыскіх матчах.
– Пасля перамогі над Казахстанам у Астане (5:4 АТ) беларуская зборная пацярпела дзве паразы ад расіянаў з агульнай розніцай шайбаў 0-10. У чым бачыце прычыны гэтых пройгрышаў?
– Трэба прызнацца шчыра, нам супрацьстаіць добры супернік, моцная каманда. Гэта па-першае. Па-другое, шанцаў на поспех нам не дае брамнік расіянаў. У нас ёсць выдатныя моманты, але няма галоў. У гэтым крыецца праблема. Закінь мы першымі, і сітуацыя магла б памяняцца, перш за ўсё, наш настрой стаў бы іншым. А так супернік дамінуе, момантамі, скажам так, «зжырае» нас. У каманды не атрымліваецца праявіць сябе ў атацы, таму што мы шмат сіл губляем у абароне. Нас вельмі «прыбівае» другі перыяд, мы не можам змяніцца (абаронцы, у першую чаргу), не дазваляе апанент, у нас шмат страт, ускладняем гульню, хоць тут важная Прастата, узяць і выкінуць шайбу – памылак стане менш. Але я бачу, што з кожным матчам мы паляпшаемся. Калі ўзяць гульню з расейцамі ў Астане, правальную 0-6, то паразу можна спісаць на аднаўленне, У нас было, па сутнасці, толькі дванаццаць гадзін пасля матчу з казахстанцамі. Гэта было цяжка фізічна. Плюс на маладых гульцоў (а ў нас іх шмат) цісне адказнасць. Некаторыя хлопцы ўпершыню гуляюць на такім узроўні. Але зноў жа, паўтаруся, у панядзелак наш гульня была ўжо больш якаснай, прагрэс ёсць.
– У трох паядынках нязменным заставаліся стартавыя спалучэнні вядучых пяцёрак. Ці будуць тут нейкія пераўтварэнні ў далейшым?
– Ды яны ўжо былі. Борыкаў падымаўся ўверх у мінулым матчы. І будзе там гуляць у Туле. Зусім яшчэ малады хлапчук. Плануем ужываць у топ-звёнах і Арсенія Каўгарэню. У нас ёсць праблемы са складам, хлопцы прыхварэлі. Але тыя хакеісты, якія не маюць досведу, але атрымліваюць шанец, павінны вучыцца на лета. Лішняга часу няма. Мы мяняем, шукаем новыя спалучэнні. Я спадзяюся гэта прынясе карысць, і мы парадуем беларускіх заўзятараў.
– Дык ёсць нейкае проціяддзе, як нам дзейнічаць, каб перамагчы гэтак магутнага суперніка?
– У першую чаргу, трэба перамагчы страх, нават не тое каб страх, проста трэба, каб прыйшла ўпэўненасць, дзейнічаць без боязі памыліцца. Трэба гуляць клюшкай у шайбу. Цяпер хакей мяняецца. Ад вялікага жадання мы пачынаем штурхацца, а шайба сыходзіць, супернік яе працягвае кантраляваць. Гэта такія дробязі, але ад іх залежыць шмат. Мы тлумачым усё гэта хакеістам, але часу ў іх, каб перарабіць сябе, мала. Нам яшчэ трэба працаваць у гэтым кірунку. Для многіх гульцоў гэта зусім іншы ўзровень, сурʼёзна адрозных ад беларускай Экстралігі, напрыклад. Мы часам робім такія недаравальныя памылкі, дазваляем суперніку выходзіць «тры ў нуль». У некаторых эпізодах мы прымаем няслушныя рашэнні, пачынаем ускладняць, хочам каманду суперніка, так бы мовіць, абыграць, зрабіць цуд, а цуду не трэба ніякага рабіць, трэба згуляць трошкі прасцей, і сітуацыя тады часцей будзе вырашацца на нашу карысць, – сказаў Квартальнаў.
