Жахлівая трагедыя ў Англіі. Экс-гулец НХЛ памёр з-за страшнага парэза падчас матча

Трагедыяй скончыўся матч англі Вышэйшай хакейнай лігі Англіі паміж «Нотынгем Пантэрз» і «Шэфілд Стылерз».

Нападаючы «пантэр» Адам Джонсан няўдала сутыкнуўся з супернікам. Хакеіст «Шэфілда» так падляцеў у паветры, што каньком зачапіў шыю Джонсана. Відэа эпізоду апублікаваў адзін з карыстальнікаў твітара (увага, відэа не для ўражлівых людзей!).

Гульцы абедзвюх каманд пабеглі да лавы запасных, спрабуючы паклікаць урача на лёд. Джонсан і сам спрабаваў дабрацца да лаўкі, пакуль яго аднаклубнік заціскаў шыю рукой.

Сапернік, які нанёс траўму Адаму, проста ад'ехаў ад месца інцыдэнту, трымаючыся за твар, - здаецца, ён быў не ў сілах бачыць, што здарылася.

Матч перапынілі. Праз некалькі хвілін «Шэфілд» папрасіў заўзятараў - іх на сустрэчы было каля васьмі тысяч - пакінуць арэну «з-за сур'ёзнай неадкладнай медыцынскай дапамогі».

Самога Адама павезлі ў шпіталь.

«Гэта было жудасна бачыць. Людзі плакалі і гублялі прытомнасць», - паведамляў адзін са сведкаў жудаснага эпізоду.

Іншы напісаў: «Мой 17-гадовы сын прыйшоў дадому цалкам разбітым і сказаў, што не можа разбачыць тое, што ўбачыў сёння ўвечары. Ён быў белы як ліст паперы. Мае думкі і малітвы з камандамі».

Аднак пазней клуб паведаміў самае страшнае: Джонсан памёр.

«Нотынгем Пантэрз» спустошаны: Адам Джонсан трагічна памёр у выніку жудаснага няшчаснага выпадку на матчы ў Шэфілдзе ўчора ўвечары. Клуб будзе вельмі сумаваць па ім і ніколі яго не забудзе.

Адам, наш нумар 47, быў не толькі выбітным хакеістам, але і выдатным таварышам па камандзе і неверагодным чалавекам, у якога ўсё жыццё было наперадзе. «Пантэрз» хацелі б выказаць нашыя спачуванні сям'і Адама, яго дзяўчыне і ўсім сябрам у гэты надзвычай цяжкі час, нашы думкі з вамі.

Усё ў клубе, уключаючы гульцоў, персанал, кіраўніцтва і ўладальнікаў, забітыя горам весткай аб смерці Адама», - гаворыцца ў заяве.

Хакеісту было ўсяго 29 гадоў. За кар'еру ўраджэнец Мінесоты паспеў нават пагуляць у НХЛ. З 2018 па 2020 год амерыканец правёў 13 матчаў за «Пітсбург» забіў адзін гол і дадаў да яго тры асісты.