Сыход Шаранговіча ў «Калгары» засмуціў фанаў «Джэрсі» – у сацсетках цёпла развітваюцца з беларусам
«Ты вялікі гулец – мы будзем сумаваць»
Навіна пра сыход у «Калгары» беларускага форварда Ягора Шаранговіча, які правёў тры апошнія сезоны ў «Нью-Джэрсі», вельмі засмуціла фанатаў «Дэвілз».
На цяпер на афіцыйнай старонцы «Нью-Джэрсі» ў Instagram пост-развітанне з 25-гадовым беларусам набраў 10,5 тысяч падабаек і 153 каментары (больш, чым пост пра падпісанне ў выніку абмену форварда Тайлера Тафалі – амаль 9 тысяч падабаек і 70 каментароў).
Глядзім, як фаны «д'яблаў адрэагавалі на навіну.
chrryfl4vrd: «Сантаговіч (мянушка Шаранговіча сярод фанаў –Tribuna.com) сышоў, але ніколі не забудзецца😔».
mlayman19: «Сантаговіч назаўсёды».
metalmovemets: «Заўсёды быў фанатам Шаранговіча. Мне падабалася яго гульня ў «Дэвілз». Дзякуй за ўсё, Ягор!»
clareeckel: «Ягор – GOAT («Найлепшы ўсіх часоў» – Tribuna.com). Дзякуй! Ты вельмі дапамог «Дэвілз»! Без цябе мы б не зайшлі так далёка».
cjpukala: «Буду сумаваць па гэтаму хлопцу. Добры выступ на і па-за лёдам. Але я жадаю перамагаць. Гэта пагадненне дапамагае перамагаць. Таму я задаволены».
jonathan_halpem.44: «Ён добры малы, добры кідок, навык і надзейная двухбаковая гульня. Удачы ў «Калгары».
antski.48: «Быў добрым «д'яблам», поспехаў, Шара».
spanishmess39: «Ты – вялікі гулец, мы будзем сумаваць».
tconklyn: «Дзякуй за тое, што гуляў з сэрцам».
gramco53: «Cэрца разбіта 💔 Мы будзем сумаваць»
iwbunny: «😥😥😥 Ён нам падабаўся. Майму хлопцу ён вельмі падабаўся, ён казаў: «Нумар 17 – мой сын»
clareeckel: «Вялікі дзякуй, Ягор і Даша (жонка Шаранговіча – Tribuna.com). Я была падпісана на вас увесь гэты год. Я вельмі шчаслівая, што ваша сям'я «расце» і што вы падарожнічаеце па свеце. Удачы ў Канадзе. Хацелася б, каб гэта былі мілі 😥»
1791_hi_im_m_75: «Удачы, Ягор. Гэта было дзіўна – глядзець як ты гуляеш. «Флэймз» вельмі пашанцавала з табой».
abbatvs: «Шанс для поўнай перазагрузкі, Ягор! Прывітанне з Гродна»
bigolme706: «Ён добра гуляў у «Дэвілз». Шмат таленту, які ў далейшым будзе квітнець. За яго было лёгка заўзець. Удачы, Ягор»
