Карла Анчалоці: «Мы хочам, каб ва ўсіх было больш павагі да Вінісіуса»
Галоўны трэнер «Рэала» Карла Анчалоці пракаментаваў перамогу над «Атлетыкам» у 18-м туры Ла Лігі (2:0).
«Каманда зноў пачала добра бараніцца ў кампактным блоку. Нам трэба было бараніцца, і мы справіліся з гэтым. Атмасфера на «Сан Мамесе» неверагодная, нават калі матчы складаныя.
Карым вярнуўся. Ён прыносіць нам шмат карысці, і мы вельмі задаволены гэтым. Камавінга быў уражлівым, Себальяс вельмі добра агуляў увесь матч, а Нача – гэта гулец, якога ўсе трэнеры жадаюць мець у камандзе, бо ён ніколі не жаліцца і заўсёды падпарадкоўваецца.
Вінісіус – выдатны і вельмі адчувальны гулец. Гэта праўда, што ўсе ціснуць на яго – сапернікі, заўзятары, часам суддзя … Мы павінны памятаць, што ён вельмі малады. Усё ціснуць на яго, на маю думку, гэта бессэнсоўна.
Я вельмі люблю Вінісіуса і мы хочам, каб усе яго паважалі крыху больш», – сказаў Анчалоці.
Учора «Рэал» на выездзе перамог «Атлетык» і ўпершыню з мінулага года не прапусціў у чэмпіянаце. Па выніку 17 згуляных тураў мадрыдцы займаюць другое месца ў Ла Лізе, адставанне ад «Барселоны» складае тры ачкі.
