Паўабаронца «Іслачы» Сянько пра гол «Смаргоні»: «Ніколі яшчэ ў кар'еры не забіваў мяч у Дзень нараджэння. Атрымаўся добры гол на 25-годдзе»

Паўабаронца «Іслачы» Валерый Сянько пракаментаваў перамогу над «Смаргонню» (4:0) у трэцім туры вышэйшай лігі і свой гол у Дзень нараджэння.

– Рыхтаваліся да няпростай гульні. У нас быў баявы настрой перад выездам, уся каманда хацела перамагчы. Падчас тыднёвага цыклу настройваліся на тое, што ў матчы супраць «Смаргоні» проста не будзе. Вельмі рады, што зрабілі добры задзел у першым тайме. Пасля гэтага стала прасцей гуляць.

– Табе ўдавалася раней забіваць у свой Дзень нараджэння?

– Не, ніколі яшчэ такога не было ў кар'еры. У тым моманце ўбачыў, што ў мяне ёсць магчымасць для прамога ўдару. Прабіў па варотах, яшчэ і патрапіў так прыгожа. Увогуле атрымаўся добры гол на 25-годдзе (усміхаецца).

– У «Іслачы» шмат атрымліваецца ў апошніх двух турах: каманда стварае шмат момантаў, прыстойна забівае і не прапускае. Намацалі сваю гульню?

– Мы паціху пачынаем адчуваць адзін аднаго. Камандныя дзеянні атрымліваюцца лепш і лепей, але я лічу, нам яшчэ неабходна шмат працаваць і паляпшаць сваю гульню.

– На дадзены момант у каманды 6 ачкоў, а ў цябе 1 +2 па сістэме «гол + пас». Старт сезона можна лічыць нядрэнным?

– Было б нядрэнна, калі б у нас пасля трох тураў была максімальная колькасць балаў. Мы заўсёды імкнёмся да лепшага, – сказаў Сянько.