Лінгард, Навас, Аю і яшчэ 12 гульцоў пакінуць «Нотынгем Форэст»
«Нотынгем Форэст» апублікаваў спіс з 15 гульцоў, якія пакінуць каманду ў летняе міжсезонне.
Кантракты шасці гульцоў першай каманды падышлі да канца – гэта Андрэ Аю, Карлуш Кафу, Джэк Колбэк, Джэсі Лінгард, Джордан Сміт і Лайл Тэйлар.
Шэсць гульцоў акадэміі таксама пакінуць клуб у статусе свабодных агентаў: Білі Ф'юстэр, Алекс Гібсан-Хэманд, Раян Хэманд, Нікі Хогарт, Аднан Канурыч і Льюіс Салмон.
Акрамя таго, 30 чэрвеня скончыўся тэрмін арэндных пагадненняў з Кейларам Навасам, Дзінам Хендэрсанам і Рэнанам Лодзі. Яны вернуцца ў свае клубы.
Арандаваны ў «Ньюкасла» форвард Крыс Вуд падпіша з «Форэст» паўнавартасны кантракт. Клуб актываваў опцыю дамовы па абавязковым выкупе гульца ўлетку.
У сезоне 2022/23 англійскай Прэм'ер-лігі «Нотынгем» заняў 16-е месца, захаваўшы прапіску ў элітным дывізіёне.
