МЮ можа атрымаць каля 260 млн фунтаў з продажу гульцоў, разглядаюцца трансферы Санча, Марсьяла і Мактамінэя

«Манчэстэр Юнайтэд» улетку можа папоўніць свой трансферны бюджэт на 260 мільёнаў фунтаў, прадаўшы некалькіх футбалістаў каманды. Пра гэта паведамляе Daily Mail.

Па даных крыніцы, клуб разглядае варыянты з трансферамі мінімум 7 футбалістаў.

У першую чаргу размова ідзе пра выканаўцаў, якія не патрэбны трэнерскаму штабу – Алекс Тэлес, Эрык Баі і Брэндан Уільямс.

Аднак манкуніянцы таксама гатовыя развітацца з Джэйданам Санча за 45 мільёнаў фунтаў і Антоні Марсьялем за 25 мільёнаў.

Акрамя таго, «МЮ» гатовы адпусціць Хары Магуайра і Скота Мактамінэя, калі паступяць прапановы ў 40 мільёнаў фунтаў.