Брамнік «Белшыны» Харытановіч: «Хлопцы самі аплочвалі штрафы па справе «Шахцёра», бралі крэдыты, пазычалі. Дапамогі не было»
Брамнік «Белшыны» Аляксей Харытановіч распавёў, як футбалісты каманды разбіраліся са штрафамі па справе «Шахцёра».
– Калі глядзець зараз, то, напэўна, і добра, што ў апошнім туры мінулага сезона супраць «Шахцёра» не гуляў, а то таксама прыйшлося б плаціць штраф.
– За хлопцаў крыўдна, вядома, але гуляць хочацца заўсёды.
– Як у камандзе разбіраліся з пагашэннем штрафаў? Хто дапамагаў?
– Хлопцы самі аплачвалі, бралі крэдыты, пазычалі. Дапамогі не было, – сказаў Харытановіч.
Нагадаем, 11 траўня КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы.
Падрабязней пра справу «Шахцёра» можна даведацца па спасылцы ніжэй.
