Мікалай Хадасевіч: «Чаму з Беларусі не едуць у Еўропу? Часта сустракаў падыход: «Мы лайно, а вось яны ў парадку». Гэта праблема беларускага менталітэту»
Журналіст Мікалай Хадасевіч на сваім YouTube-канале «Hodasevich-LIVE» паразважаў пра тое, чаму беларускія футбалісты не запатрабаваныя ў еўрапейскіх чэмпіянатах.
– Беларусы, на жаль, нейкім чынам так растуць і так жывуць, што яны проста не гатовыя ментальна пераадольваць цяжкасці на новым месцы, хутка адаптавацца, хутка заходзіць у калектыў, мець здаровае нахабства, ставіць сябе там і гэтак далей, паверце мне. Мне здаецца, таму ў большай ступені атрымліваецца ў тых, хто больш нахабны, ну, як Віталь Лісаковіч. Ну, нахабны ж тыпок, так. І пабудаваў, канешне, на гэтым кар'еру. Вось, дапусцім, [Яраслаў] Арашкевіч, кажуць, у яго ўсё ў парадку з характарам, з самаацэнкай. Таксама можа збудаваць карʼеру.
Вось гэтага нахабства на новым месцы, хуткай адаптацыі, уліцца ў калектыў, паставіць сябе, проста беларусам не хапае. Я думаю, што гэта нейкая, напэўна, праблема нават беларускага менталітэту ці беларускай супольнасці.
Выбачыце мяне, я думаю, што досыць часта ў Беларусі, можа быць, я дапушчаю, так, вось самі трэнеры, яны ўзвышаюць супернікаў і не ўзвышаюць саміх сябе. Я вось раней, калі асабліва цесна датыкаўся да беларускага футбола, я гэта часта сустракаў, але вось мы лайно, а вось яны ў парадку. Але гэта беларусаў увогуле тычыцца, так, ва ўсіх сферах, не толькі ў футболе. Але вось неяк так уладкавана, што мы як быццам з апушчанымі галовамі і нікуды не падыходзім.
Гэта вялікая праблема, гэта вельмі вялікая праблема, паверце, і з гэтым трэба нешта рабіць. На ўзроўні трэнераў можа быць моладзевых зборных, юнацкіх зборных, тым больш нацыянальнай зборнай, хто тамака прыйдзе, не ведаю. Вось чаму Бернд Штанге якраз спрабаваў у першую чаргу падняць гэтую галаву. Бо гэта даўняя праблема.
Другая праблема, тут усё ўзаемазвязана, я зараз не вырашу ўсе гэтыя праблемы, паверце. Другая праблема, мне здаецца, што БАТЭ за час выступаў у Лізе чэмпіёнаў крышку адчыніў дзверы, каб на наш чэмпіянат паглядзелі і ўбачылі беларусаў, якія могуць гуляць на вялікім узроўні, а ў нас шмат добрага матэрыялу, паверце, асабліва на маладым узроўні, і вытрымліваць. хуткасці, і тактычна быць навучанымі, і тэхнічна быць гатовымі, каб іх спрабавалі браць. Памятайце вось гэтыя паездкі ў другую Бундэслігу і Блізнюк, і Радзівонаў, і Крывец і Францыю, і нехта там яшчэ і ў Італію таксама спрабавалі, там і гэтак далей.
То бок, усё гэта было. Гэтыя дзверы былі крыху прыадчынены, але ёй напэўна цалкам не скарысталіся ўжо футбольныя функцыянеры, менеджары, агенты для таго, каб замацавацца, і гэтыя дзверы нават да пачатку вайны ва Украіне неяк захаваць, каб бралі, і каб, увогуле, запрашалі, каб глядзелі на наш рынак. Вось такога, мусіць, рухі таксама няма.
Тут напрошваецца адразу ж параўнанне з сербскімі агентамі, якія працуюць па ўсім свеце, і сербы гуляюць па ўсім свеце, вось тут яны настроілі проста аптовыя, напэўна, продажы сваіх футбалістаў, і іх бяруць ахвотна, нашых бяруць неахвотна, – сказаў Хадасевіч.
