Флік афіцыйна звольнены з пасады галоўнага трэнера зборнай Германіі
Нямецкі футбольны саюз аб'явіў пра звальненне галоўнага трэнера каманды Ханс-Дзітэра Фліка.
Таксама звольненыя асістэнты 58-гадовага немца Маркус Зорг і Дані Рол.
У таварыскім матчы з Францыяй 12 верасня месца на трэнерскай лаве нямецкай зборнай зоймуць яе дырэктар Рудзі Фелер, Сандра Вагнер і Ханес Вольф.
Нямецкі футбольны саюз тым часам будзе як мага хутчэй шукаць сталага трэнера. Паведамлялася, што фаварытам на замену Фліка з'яўляецца Юльян Нагельсман.
Фліка ўзначаліў зборную Германіі ў жніўні 2021 года. У 25 матчах пад яго кіраўніцтвам каманда атрымала 12 перамог, 7 разоў згуляла ўнічыю і 6 разоў саступіла. Агульны лік – 60:30.
У апошніх 5 таварыскіх матчах зборная Германіі пацярпела 4 паражэнні і 1 раз згуляла ўнічыю.
Зборная Германіі як гаспадар Еўра-2024 не ўдзельнічае ў адборы. Каманда рыхтуецца да турніру праз таварыскія матчы.
