Андрэй Гараўцоў: «Гуляць з такой перавагай і пры гэтым прапусціць 5 – гэта нешта за гранню»
Галоўны трэнер «Гомеля» Андрэй Гараўцоў пракаментаваў зыход матчу са «Слуцкам» (4:5) у 30-м туры вышэйшай лігі.
– Складана даваць нейкія каментары. На мой погляд, гуляць з такой перавагай і пры гэтым прапусціць 5 – гэта нешта за гранню. Але гэта футбол. Спрабавалі гуляць настолькі, наколькі дазвалялі ўмовы. У канцы спрасцілі гульню. Але прайгралі.
– Што стала прычынай?
– Памылкі ў абароне. Галы забіваюцца пасля памылак.
– З чым звязана адсутнасць Алексіевіча і Сілінскага?
– У Алексіевіча траўма, у Сілінскага дыскваліфікацыя. Ілля малайчына. Ён амаль увесь круг адыграў з траўмай, амаль не трэніраваўся, мы яго падводзілі толькі да гульняў. Гульню са «Славіяй» не ведаю, як ён змог дагуляць... Вырашылі даць паўзу.
– Як ацэніце поле?
– Яно было аднолькавым для ўсіх. На гэта ніколі ня буду спасылацца.
– Як ацэніце адрэзак каманды пад вашым кіраўніцтвам?
– Складана адразу аналізаваць. Поўнага задавальнення няма. Маглі лепш. Па працы да хлопцаў ніякіх пытанняў, але чагосьці нам не хапіла, – сказаў Гараўцоў.
