Мікалай Хадасевіч: «Эбонг павінен пакінуць Казахстан у гэтым годзе, не здзіўлюся, калі ён на наступным тыдні будзе прадстаўлены дзе-небудзь у Казані ці Самары»
Журналіст Мікалай Хадасевіч на сваім YouTube-канале «Hodasevich-LIVE» пракаментаваў верагодны пераход паўабаронцы нацыянальнай зборнай Макса Эбонга ў адзін з расійскіх клубаў.
«Я вось так цэлы год чакаў ад'езду Макса Эбонга з Казахстана, дзе ў яго там апошні матч. Я не ведаю, будзе ён гуляць ці не. Не глядзеў.
У Еўракубках Астана матч правядзе ў Чэхіі. Гэта будзе ўжо найбліжэйшы чацвер. І далей, накшталт як, Макс Эбонг можа быць вольны.
Па маёй інфармацыі, ён павінен пакінуць Казахстан у гэтым годзе. І я так, увогуле, спадзяваўся, што адзін з самых яскравых прадстаўнікоў цяперашняга пакалення беларускіх футбалістаў паедзе з Казахстана куды-небудзь еўрапейскі чэмпіянат.
Але вы ведаеце, зараз вось у снежні, гледзячы на ўсю гэтую транспартную гісторыю, пазіраючы, увогуле, на тую краіну, куды пазіраюць практычна ўсе футбалісты беларускія [Расiя].
Я не здзіўлюся, калі на наступным тыдні Макс Эбонг з майкай будзе прадстаўлены дзе-небудзь у Казані, а можа быць у Самары, а можа быць яшчэ недзе.
Мая гэтая надзея, яна ўжо згасае і згасае. Бо калі б гэта былі еўрапейскія клубы, то, напэўна, ужо нейкая інфармацыя б пратачылася. А так, тут таксама, хутчэй за ўсё, гэты вялікі трансфер, мною чаканы, скончыцца дастаткова празаічна, дастаткова банальна з пераходамі гульца, там, дзе могуць прапанаваць шчодры кантракт», – заявіў Хадасевіч.