Ігар Кавалевіч: «Да мяне едуць як да лекара душ. Сказаў, што перазагружу Алыкулава, і ён вярнуўся на невялікія грошы»
Галоўны трэнер «Нёмана» Ігар Кавалевіч распавёў пра некаторыя змены ў складзе каманды, якія могуць адбыцца.
– Алыкулаў таксама нібы павінен сысці не проста так?
– Зразумела, што яго будуць прадаваць. Але мы яго два разы ў Гродна бралі. Улетку ён вярнуўся зусім не на тыя ўмовы, якія ў яго былі ў «Кайраце». Калі ў яго зусім там перастала ладзіцца, ён мне патэлефанаваў і спытаў: «Трэнер, што мне рабіць?» Я адказаў: «Вяртайся, я цябе перазагружу. Ты зноў здабудзеш сябе. І зноў з'едзеш». Ён вярнуўся, перазагрузіўся. Хаця гуляў за зусім невялікія грошы. І вось зноў будзе сыходзіць.
Таму я часта паўтараю, што да мяне едуць, можа быць, не як да трэнера, а як да лекара душ. І футбалісты гэта разумеюць. Так, я магу абазваць чалавека нядобрым словам. Гульцы ведаюць, што я не занадта кантралюю свой «базар», калі іх адчытваю. Але важна, што яны адчуваюць і бачаць праўду. Як пацвярджэнне – гэты сезон. Паўтаруся: хлопцы адказалі мне сумленна сваёй варʼяцкай гульнёй. А астатняе – лірыка. Скажу больш. Перад апошнім матчам з БАТЭ я папрасіў іх: «Не дурэйце. Прыйдзе народ, для якога мы гуляем. Глядзіце, каб усё было роўна». І яны мне адказалі сумленнай гульнёй.
– Якая імавернасць таго, што атрымаецца захаваць склад, з якім дабіліся сярэбранага поспеху?
– Кіраўніцтва горада і старшыня клуба плануюць максімальна захаваць гульцоў. Адна з страт ужо вядомая – Алімардон Шукураў, у якога скончыўся кантракт. У яго шмат прапаноў. На сёння ведаем, што трэба будзе шукаць замены на тры-чатыры пазіцыі. Але робіцца ўсё магчымае, каб каманду захаваць. Раскрываць усе карты пакуль нельга.
– А вам як трэнеру было б цікава згуляць гэтым жа ансамблем яшчэ адзін канцэрт?
– Мне не тое каб цікава. У мяне няма іншага выйсця. Я кінуў выклік. І які б ансамбль ні атрымаўся, права на памылку не маю. А як у выніку атрымаецца – пакажа час. Але, мяркую, усё будзе добра, – сказаў Кавалевіч.
