Пачэціна пра выхад «Чэлсі» ў паўфінал Кубка Лігі: «Заўзятары і клуб заслугоўваюць гэтага»
Галоўны трэнер «Чэлсі» Маўрысіа Пачэціна пракаментаваў перамогу над «Ньюкаслам» (1:1, 4:2 у серыі пенальці) і выхад у паўфінал Кубка лігі.
«Думаю, што гэта была сапраўды добрая гульня. Мы памыліліся ў моманце з прапушчаным голам. Я казаў гульцам заўсёды верыць да канца. Часам у футболе патрэбна ўдача, і яна прыйшла. Кампліменты гульцам, таму што яны былі фантастычнымі».
Пра Энца Фернандэса
«Яму было дрэнна. Ён адчуваў сябе дрэнна перад гульнёй, а потым, калі яна пачалася, яму не стала лепш. Ён папрасіў замену.
Калуіл (быў заменены ў перапынку – заўв.) – гэта больш з тактычных намераў. Ён крыху стаміўся пад канец першага тайма. Лівай будзе гатовы да наступнай гульні».
Пра выхад у паўфінал
«Вельмі добры пачатак. Мы вельмі шчаслівыя. Заўзятары і клуб заслугоўваюць гэтага. Гэта вялікая матывацыя. Чакаем лёсаванне заўтра», – сказаў Пачэціна.
