Маўрынью правядзе перамовы з «Напалі»
Жазэ Маўрынью можа працягнуць трэніраваць у Серыі А.
Як паведамляе The Sunday Times, ужо ў першыя дні пасля звальнення з «Ромы» Жоржэ Мендэш (агент Маўрынью – Tribuna.com) уступіў у перамовы з прадстаўнікамі «Напалі».
На наступным тыдні Жазэ сустрэнецца з прэзідэнтам «Напалі» Аўрэліё Дэ Лаурэнцісам, каб абмеркаваць магчымае супрацоўніцтва. Акрамя таго, у бліжэйшы час «Асаблівы» збіраецца наведаць некалькі матчаў Серыі А, каб публічна прадэманстраваць сваё жаданне застацца ў італьянскім чэмпіянаце.
На днях таксама актыўна хадзілі чуткі пра тое, што Маўрынью можа ўзначаліць саудаўскі «Аль-Шабаб», але па словах іспанскага журналіста Педра Мараты, Жазэ не плануе трэніраваць гэтую каманду і чакае «варыянт, які яго матывуе».
Калі Маўрынью ўзначаліць «Напалі», то гэта будзе яго ўжо трэці клуб у Серыі А. Да «Ромы» ён таксама трэніраваў «Інтэр», на чале з якім у 2010 годзе выйграў Лігу чэмпіёнаў, Серыю А і Кубак Італіі.
