Дырэктар «Макслайна» Фаўстовіч: «Кiраўнiк «Віцебска» хацеў ад нас мільён рублёў. Пасля адмовы арэнда поля падаражэла ў сем разоў»
Дырэктар «Макслайна» (Д2) Віктар Фаўстовіч распавёў аб перамовах з «Віцебскам» аб арэндзе стадыёна.
– «Макслайну» пры падаўжэнні арэнды поля пачалі ўсяляк устаўляць палкі ў колы. Адной з прычын адмовы ў заключэнні дагавора арэнды ўказвалася і тое, што нашы матчы трансліруюцца ў жывым эфіры тэлеканала «Беларусь 5», а гэта выклікае значныя цяжкасці пры правядзенні спартыўных спаборніцтваў з удзелам каманд ФК «Віцебск». Улічваючы тое, што мы гуляем дома максімум два разы на месяц, прычым на полі для правядзення вучэбна-трэніровачных заняткаў, гэтая заява выглядае абсурднай.
Але нават у такой сітуацыі мы гатовы ісці на саступкі. Ужо неаднаразова гарантавалі [дырэктару «Віцебску» Мікалаю] Вайцюхоўскаму, што не будзем зважаць на футбалістаў яго каманды з мэтай прыцягнення іх у наш клуб. Таксама адмовіліся ад відэатрансляцыі сваіх матчаў на тэлеканале «Беларусь 5». Хаця па-ранейшаму лічым, што гэта найлепшы спосаб прыцягнення новага гледача. Але Мікалай Іванавіч працягвае ўвесь час агучваць нам дадатковыя ўмовы.
У пачатку перамоў ён ставіў умову, каб мы пералічылі на рахунак ФК «Віцебск», як ён выказаўся, «маральную кампенсацыю» у выглядзе спонсарскай дапамогі ў памеры мільёна рублёў (310 тысяч долараў – Tribuna.com). Гэта больш, чым увесь наш гадавы бюджэт на 2024 год. Выкананне было немагчымае.
Пасля таго, як мы агучылі гэта кіраўніку «Віцебска», умовы змяніліся. Нам даслалі для заключэння дамову на арэнду поля. Ведаеце, якая сума за адзін праведзены на гэтым полі паядынак значылася? 15 тысяч рублёў. Я нават спецыяльна цікавіўся, колькі каштуе арэнда на адзін матч поля стадыёна «Дынама». Адказ: сем тысяч.
Летась мы плацілі за арэнду гэтага ж поля крыху больш за дзве тысячы за гульню. Мы проста не разумеем, як арэнда магла падаражэць у сем разоў. Тым больш у дзяржаўнай установе, – сказаў Фаўстовіч.
