Вадзім Скрыпчанка: «Сядзько і Дубінец не згуляюць у матчы за Суперкубак Беларусі»

Галоўны трэнер мінскага «Дынама» Вадзім Скрыпчанка расказаў аб падрыхтоўцы каманды да матчу за Суперкубак Беларусі супраць «Тарпеда-БелАЗ», які пройдзе 2 сакавіка.

– Быкаў, Сялява, Сачыўка і Гаўрылавіч у матчы з «Іслаччу» правялі сваю першую гульню. Чаму іх раней не было? На якой яны стадыі гатоўнасці?

– Іх гатоўнасць пакуль што на пачатковай кропцы, бо іх цягавітасць яшчэ трэба развіваць. Каб прайсці ў агульную групу, трэба ўсе гэтыя стадыі прайсці: тыя стадыі, якія каманда прайшла 3 студзеня.

Вядома, футбалісты, якія вяртаюцца пасля хваробы ці траўмы, павінны праз гэта прайсці. Бягуноў і Сачыўка ўжо працуюць у агульнай групе. Зразумела, яны шмат прапусцілі, але трэба цярпець і працаваць. Яны добра настроены. Трэнеры па фізпадрыхтоўцы займаліся з імі дадаткова.

У Дубінца быў пералом плюсневай косці, непрыемны момант на трэніроўцы, але зараз усё таксама добра: ён індывідуальна працуе, на поле пакуль не выходзіў.

– На каго з гэтага гурта будзеце разлічваць у Суперкубку?

– Я думаю, што Бягуноў, Сачыўка і Дубінец наўрад ці будуць у аптымальных кандыцыях да матчу, там гэтага тыдзень застаўся. Яны працуюць у агульнай групе. Сядзько і Дубінец – тут выключана наогул, па Бягунову і Сачыўка – паглядзім, але іх гатоўнасць пакуль не аптымальная.

На Суперкубак павінны выйсці тыя хлопцы, якія фізічна гатовы да супраціўлення ў такім матчы, – сказаў Скрыпчанка.