Мікалай Хадасевіч: «Мінскае «Дынама» абнавілася, але яно не стала мацнейшым»

«Мы маем мінскае «Дынама», якое губляла дастаткова шмат гульцоў у статусе дзейнага чэмпіёна, засталося з галоўным трэнерам Вадзімам Скрыпчанкам, і засталося, напэўна, без нейкага арэолу асаблівасцяў. Абставіны, атмасфера 2023 і 2024 кардынальным чынам адрозніваюцца.

Мне здаецца, для славалюбівых футбалістаў і славалюбівага трэнера, якім лічыць сябе Вадзімам Скрыпчанкам, гэта добрыя стартавыя ўмовы. Камплектавацца прыходзілася цяжка. Таму што беглі ў Д2 Расіі, як толькі паступіў званок, Бахар, Вакуліч. Ну і ўвогуле, паглядзіце спіс страт, якія былі ў мінскага «Дынама» ў гэтае зімовае міжсезонне.

Тут мы адзначым дастаткова шмат футбалістаў, якія вызначалі гульню «Дынама» год таму. І Арынья, і Марозаў, асабліва. І Зорын з'ехаў. Прыехалі ў арэнду іншыя футбалісты з Расіі. Скончыў карʼеру Пуціла. І па набыццях мы бачым тут Пігаса, Чарняк ёсць, Падстрэлаў, Адэола.

Вось «Дынама» абнавілася. Я думаю, што яно не стала мацнейшым. Я думаю, што ёсць яшчэ фактар другога сезона. Гэта тычыцца не толькі «Дынама», але і «Нёмана». Але па такім чэмпіянаце фактар другога сезона наўрад ці можа абярнуцца катастрофай.

На гарызонце проста няма нікога побач, хто мог бы чэмпіёнскія амбіцыі моцна паўшчуваць ці моцна знесці. Так што «Дынама» зʼяўляецца адным з кандыдатаў на чэмпіёнскі тытул, адным з прэтэндэнтаў на трафей у матчы за Суперкубак і адным з патэнцыйных уладальнікаў Кубка Беларусі.

Вадзім Скрыпчанка прасіў шырокую абойму. 24 футбалісты яму не далі. Але пры гэтым усё роўна абойма застаецца прыстойнай, каб гуляць», – падсумаваў Хадасевіч.