«Ман Сіці» не хоча падаўжаць арэнду Канселу і прадасць яго таму, хто прапануе самы высокі кошт

Выданне Sport.es апублікавала інфармацыю пра будучыню арандаванага ў «Ман Сіці» абаронцы «Барселоны» Жаау Канселу.

Па даных крыніцы, «Барса» разлічвае на тое, што зможа падоўжыць арэндную дамову, аднак «Сіці» не разглядае ніякага іншага варыянту, акрамя паўнавартаснага трансферу гэтым летам.

«Гараджане» далі зразумець, што на гэты раз партугальца прададуць толькі таму, хто прапануе за яго самы высокі кошт. Сам Жаау раней заявіў, што хацеў бы застацца ў «Барсе» пасля завяршэння гэтага сезона.

Англійскі клуб ацэньвае Канселу прыкладна ў 40 млн еўра, да яго ёсць цікавасць з боку каманд АПЛ і Саудаўскай Аравіі. Для «блаўгранас», прыярытэтамі якіх з'яўляюцца падпісанне левага вінгера і цэнтральнага хаўбека, такая сума занадта вялікая.

У Канселу кантракт з «Сіці» да 2027 года. У бягучым сезоне ён правёў за «Барселону» 30 матчаў, у якіх вызначыўся 3 галамі і 4 асістамі. Статыстыка 29-гадовага латэраля – тут.

Усе трансферныя навіны і чуткі АПЛ сабраны тут, Ла Лігі – тут.