Маўрысіа Пачэціна: «Калі гульцы вераць, што ім будзе лепш з новым трэнерам – могуць пайсці пагаварыць з уладальнікам і спортдырэктарам»

Галоўны трэнер «Чэлсі» Маўрысіа Пачэціна пракаментаваў чуткі аб магчымым прызначэнні Жазэ Маўрынью замест аргенцінскага спецыяліста.

«Я паважаю Жазэ. Ён мой сябар. Ён быў выдатным трэнерам для гэтага клуба. Абставіны ёсць абставіны. Нам трэба працягваць працаваць, верыць у сябе і прымаць усё тое, што гавораць балельшчыкі. Канешне, я паважаю іх.

Вы павінны спытаць гульцоў. Калі яны вераць, што ім будзе лепш з іншым трэнерам, я ў першую чаргу скажу: Яны могуць пайсці і пагаварыць з уладальнікам і спартовым дырэктарам клуба.

Вы бачыце, што я хвалююся з гэтай нагоды? Не. Слухайце, ці з'яўляецца нашае становішча праблемай? Не. Гульцы дастаткова разумныя, вы можаце бачыць, як яны паводзяць сябе, які шлях яны прайшлі і пакінулі ззаду. Несумненна, я ведаў, калі ехаў сюды, што будзе цяжка, але ведаў, што нам спатрэбіцца час і вера», – сказаў Пачэціна.

52-гадовы аргенцінец узначальвае лонданскі клуб з лета 2023 года. Пад кіраўніцтвам Пачэціна «Чэлсі» згуляў 37 матчаў, у якіх атрымаў 18 перамог, 7 разоў згуляў унічыю і 12 гульняў прайграў.

Апошнім клубам былога трэнера «Чэлсі» Жазэ Маўрынью была «Рома», якая звольніла 61-гадовага партугальца ў студзені 2024 года.

11 сакавіка «Чэлсі» згуляе матч 28-га тура АПЛ супраць «Ньюкасла», пачатак у 23.00.