Мікалай Шарстнёў: «Па ініцыятыве Кандрацьева судовыя разборы працягваюцца далей»
Мікалай Шарстнёў пракаментаваў звальненне Георгія Кандрацьева з пасады галоўнага трэнера зборнай Беларусі.
Нагадаем, што ў 2023-м Кандрацьева замяніў Карлас Алос.
«Праблем назапасілася вельмі шмат, і іх трэба вырашаць. Некаторыя насілі востры характар. Коратка спынюся на галоўных рашэннях. У пачатку аб кадрах. Па выніках вельмі нездавальняючага выступлення нацыянальнай зборнай быў скасаваны кантракт з Георгіем Кандрацьевым, пад кіраўніцтвам якога зборная выйграла толькі 1 з 15 афіцыйных матчаў за два гады.
На жаль, Георгій Пятровіч праігнараваў ліпеньскае пасяджэнне выканкама і не падрыхтаваў справаздачу, не адказаўшы пытанні, чаму так адбылося, не расказаўшы пра прычыны няўдач. Замест гэтага Кандрацьеў аддаў перавагу судоваму разбору наконт абставінаў звальнення. Ужо адбыліся два, і абодва Георгій Пятровіч прайграў. Аднак яны па ініцыятыве былога галоўнага трэнера працягваюцца і далей», – адзначыў Шарстнёў.
