Трэнер «Дняпро» Герашчанка пра матч з «Нёманам»: «Вынік заканамерны, на дадзены момант мы ў розных вагавых катэгорыях»

Галоўны трэнер «Дняпро» Вячаслаў Герашчанка пракаментаваў гульню каманды супраць гарадзенскага «Нёмана» (0:2).

– Засталіся незадаволеныя дзеяннямі каманды, фактычна ў нас нічога не атрымалася, правальная гульня. У першым тайме было цяжка, не чапляліся за мячы, не маглі выйсці ў атаку. Пасля таго як склады сталі няроўнымі стала цяжэй ўдвая. Вынік заканамерны, на дадзены момант мы ў розных вагавых катэгорыях.

Заўсёды хочацца выйграваць, мы ж не выходзім для таго, каб прайграць. Гульнёй з «Нёманам» незадаволеныя, трэба працаваць далей.

У нас шмат моладзі, якая засталася з мінулага сезону, плюс дадаліся футбалісты, якіх мы маглі запрасіць.

Лічу, што афрыканцы нас умацавалі, але ў матчы з «Нёманам» згулялі дрэнна.

Фінансавае пытанне не да мяне, ёсць больш кампетэнтныя людзі, якія адкажуць на яго. Я па спартыўнай частцы, – сказаў Герашчанка.