Абаронца «Дняпро» Дунаеў: «Лёгка ў нашым чэмпіянаце не будзе ні з кім»

Абаронца «Дняпро» Аляксей Дунаеў падвёў вынікі матчу супраць БАТЭ (1:1).

– У цэлым, на маю думку, роўны матч. Нямала было момантаў як у нас, так і ў суперніка. Нічыя – заканамерны зыход.

– Апошні раз вы гулялі супраць БАТЭ ў 2022 годзе ў вышэйшай лізе. Ці здзівілі барысаўчане сёння?

– У цэлым няма. Мы разбіралі тэорыю і ўбачылі, што БАТЭ – маладая каманда, якая бяжыць. Усё, што магу сказаць.

– На мінулым тыдні вы правялі з «Нёманам», на гэтым – з БАТЭ. Як адчуваеце сілы каманды на фоне буйных клубаў?

– З «Нёманам» было цяжэй за кошт выдалення. Усё ж такі амаль спачатку другога тайма засталіся ўдзесяцёх. На маю думку, у нашым чэмпіянаце вылучаюцца «Славія», брэсцкае «Дынама», «Нёман», мінскае «Дынама», астатнія плюс мінус роўныя каманды.

– Чаго не хапае, каб здабыць тры ачкі ў матчах з такімі супернікамі?

– Не хапае, напэўна, канцэнтрацыі. Амаль усе галы мы прапускаем праз свае памылкі. Прааналізуем іх і будзем выпраўляць.

– Наступны матч вы праведзяце з мінскім «Дынама». Якія чаканні ад гэтай сустрэчы, ці складана будзе, на вашу думку, забраць ачкі ў яго?

– Лёгка ў нашым чэмпіянаце не будзе ні з кім. «Дынама» страціла ўжо нямала ачкоў на старце чэмпіянату і будзе матываваная. Мы будзем дома гуляць у свой футбол, навязваць барацьбу з такім жа настроем і запалам, як сёння. Думаю, павінна атрымаецца добрая гульня, – сказаў Дунаеў.