Аліўе Жыру падпісаў кантракт з «Лос-Анджэлесам» да снежня 2025 года - заробак 3 млн еўра да выплаты падаткаў (L’Equipe)

Форвард «Мілана» Аліўе Жыру падпісаў пагадненне з клубам МЛС «Лос-Анджэлес», паведамляе французскае выданне L’Equipe. Паводле інфармацыі выдання, пасля заканчэння сезона 2023/24 футбаліст пераходзіць у амерыканскі клуб, з якім падпісаў пагадненне тэрмінам да снежня 2025 года. Зарплата гульца ў «Лос-Анджэлесе» складзе 3 мільёны еўра ў год да выплаты падаткаў. У «Лос-Анджэлесе» ўжо гуляе былы партнёр 37-гадовага француза па нацыянальнай зборнай - Уга Льорыс, які перайшоў у амерыканскі клуб з «Тотэнхэма» ў студзені 2024 года ў якасці вольнага агента. У гэтым сезоне Жыру згуляў 42 матчы ў складзе італьянскай каманды, забіў 15 галоў і аддаў 9 дзейсных перадач. Пасля 9 згуляных матчаў у МЛС «Лос-Анджэлес» знаходзіцца на 7-й пазіцыі ў турнірнай табліцы заходняй канферэнцыі, маючы ў сваім актыве 12 ачкоў.