Грызман прапусціць матч за Францыю ўпершыню з 2017-га года! У яго сусветны рэкорд
Лічбы, якія ўражваюць.
Антуан Грызман не згуляе за зборную Францыі супраць Германіі і Чылі. Траўма шчыкалаткі пакіне чэмпіёна свету-2018 без выступлення за нацыянальную каманду ўпершыню за 6 гадоў і 7 месяцаў! Апошні прапушчаны матч здарыўся ў чэрвені 2017-га: Антуан прасядзеў у запасе падчас таварняку з Англіяй. Шалёная серыя пачалася 31 жніўня таго ж года, супраць Нідэрландаў. З таго часу паўабаронца згуляў наогул ва ўсіх 84 паядынках.
Серыя магла і доўжыцца. Дзідзье Дэшам доўга сумняваўся, ці браць недалечанага гульца. Антуан атрымаў пашкоджанне яшчэ ў лютаўскім матчы супраць «Інтэра» ў ЛЧ, прапусціў чатыры гульні, але фарсіраваў аднаўленне і дапамог камандзе прайсці далей (0:1, 2:1, 3:2 па пенальці). На матч Ла Лігі супраць «Барселоны» (17 сакавіка) Грызман выйшаў толькі ў перапынку. Карацей кажучы, Дэшам вырашыў не рызыкаваць.
Уявіце сабе, другая па працягласці серыя ў гісторыі зборнай Францыі – усяго 44 сустрэчы. А вось па агульнай колькасці гульняў вышэй за Грызмана (129 матчаў) двое – Ліліян Цюрам (142) і Уга Льярыс (145). Як думаеце, дагоніць?
