Узімку гэты афрыканец быў не патрэбны сталічнаму «Дынама», а зараз чудзіць за «Нафтан» – зрабіў усё, каб перамог «Мінск»
Але «гараджане» не ўзялі тры ачкі.
У пятым туры чэмпіянату Беларусі «Мінск» дома згуляў у нічыю з «Нафтанам» 1:1. У гаспадароў былі ўсе шансы забраць тры ачкі – гэтаму ўсяляк спрыяў навічок «Нафтана» Мідо Яле, які толькі ў мінулым туры дэбютаваў за навапалачан.
На 27-хвіліне абаронца з Конга пасля навеса паспрабаваў вынесці мяч са сваёй штрафной, але замест гэтага адправіў яго ў вароты «Нафтана».
А на 73-й хвіліне Яле зноў начудзіў у сваёй штрафной. Афрыканец парушыў правілы на Глебе Гурбанаве, пасля чаго арбітр паказаў на 11-метровую кропку.
На шчасце для «Нафтана» Кірыл Забелін няўдала прабіў пенальці, захаваўшы лік 1:1, які так і застаўся да фінальнага свістка.
Пасля матчу галоўны трэнер «Нафтана» Альберт Рыбак адзначыў, што нічога страшнага не здарылася, памылкі бываюць ва ўсіх. А ў камандзе разлічваюць на Яле як на гульца асновы.
Цікава, што яшчэ ў перадсезонцы кангалезец праглядаўся ў мінскае «Дынама», аднак у выніку не без прыгод апынуўся ў Наваполацку.
