Нікуленкаў пасля паражэння СКА ад «Мяшкова»: «Прайграў я. Бяру ўсё на сябе»

Галоўны трэнер СКА Дзмітрый Нікуленкаў падзяліўся меркаваннем аб матчы з «Мяшковым» (35:37).

– Мае хлопцы добра гулялі. Вельмі рады таму, як усё ідзе. Вядома, усім хочацца перамог у такіх матчах: і мне, і гульцам. Але я ведаю, куды іду. І ведаю, куды ідзе гэтая каманда. Для мяне гэта найважнейшае.

Каманда прайграла – прайграў трэнер. Прайграў сёння я. Бяру ўсё на сябе. Праблемы былі не толькі ў абароне, дзесьці брамнікі адбілі не столькі, колькі нам бы хацелася.

У нас маладыя хлопцы, але я ніяк не звальваю ўсё на іх узрост. Бачу, як мы праводзім матчы, мяне ўсё задавальняе. Ведаем, над чым працуем, бачым свае памылкі. Сезон доўгі. Заклікаю нашых гульцоў верыць у тое, што мы робім. Вядома, патрэбны перамогі. І яны будуць, я ўпэўнены, – сказаў Нікуленкаў.