Дырэктар «Металурга» Паўловіч пра чэмпiёнства: «Мы адчувалі, што чуць-чуць нам не хапае. Вось дзеля гэтага «чуць-чуць» мы сумленна працавалі 10 месяцаў»

Дырэктар «Металурга» Андрэй Паўловіч падзяліўся планамі на будучы сезон і думкамі пра фінал.

Нагадаем, 24 красавіка «Металург» перамог «Нёман» у сёмым матчы фіналу чэмпіянату Беларусі з лікам у серыі 4-3 і абараніў леташні тытул. Такім чынам, «Металург» стаў чэмпіёнам трэці раз у гісторыі. 

– На наступным тыдні мы больш-менш канчаткова замацуем састаў і гэтак далей. Насамрэч жа працавалі наконт наступнага сезона, па складзе на працягу, ну, не ўсяго сезона, другой паловы яго дакладна. Гэта значыць, мы з прэстрэлам на наступны год глядзелі.

Прыходзіш на трыбуну, глядзіш, якая прыгажосць робіцца, і ўжо дзесьці там з другога там, з трэцяга матча было зразумела, што хутка гэта ўсё скончыцца, і хакей мы будзем чакаць дзесьці да жніўня, да верасня. І мы проста атрымлівалі асалоду. Канешне, было складана, няпроста. Асабліва ў гэтай серыі [з «Нёманам»], калі ўсе адзін аднаго білі моцна.

Вельмі цярністы шлях, але мы верылі, я ўжо казаў, і адчувалі, што чуць-чуць нам не хапае. Сёння гэтае «чуць-чуць» нам вярнулася ў канцы другога перыяду, калі шайба [пасля кідка абаронцы «Нёмана» Данілы Паліўко] крыху пазней [за сірэну на перапынак] перасекла лінію варот. Вось дзеля гэтага «чуць-чуць» мы сумленна працавалі 10 месяцаў, – распавёў Паўловіч.