Фалькоўскі пра матч з «Расіяй 25»: «Трошачкі не пашанцавала. Добрая гульня, але так выйшла»
Абаронца зборнай Беларусі Сцяпан Фалькоўскі падвёў вынікі матча супраць каманды «Расія 25» (3:5).
– Выдатна гулялі, практычна ўсю гульню вялі ў ліку. Наколькі крыўдна ў канцы гульні было саступіць?
– Заўсёды крыўдна прайграваць. Не пашанцавала трошачкі. Добрая гульня была, але так выйшла.
– За гульню зборнай Беларусі сёння не сорамна?
– Сто адсоткаў. Усе змагаліся, біліся толькі за перамогу, але гэта спорт. Ідзем далей і рыхтуемся да наступнай гульні.
– У выпадку перамогі заўтра, зборная Беларусі зойме другое месца. Гэта не той вынік, якога вы хацелі дабіцца ў гэтым турніры?
– Вядома хацелі выйграць. Але хіба шанцаў больш няма ніякіх?
– Ёсць, калі зборная Казахстана заўтра абгуляе каманду «Расія 25».
– Усё ж магчыма, гэта ж спорт.
– Наколькі вам тут звыкла было гуляць, улічваючы тое, што выступаеце за СКА на гэтай арэне?
– Прыемна тут гуляць, але хацелася перамагчы, абараніць тытул мінулага года. Але ўсё яшчэ магчыма.
– Калі не атрымаецца абараніць тытул, то ў траўні будзе серыя гульняў са зборнай Расіі. Там можна вярнуць суперніку даўжок?
– Ёсць гульні зараз. А там ужо, калі ў траўні гульні будуць, то там паглядзім, – сказаў Фалькоўскі.
