Дзмітрый Квартальнаў: «Мінскае «Дынама» гатовае даць бой маскоўскаму, у сезоне мы дэманстравалі, што можам абыграць любога»
Галоўны трэнер мінскага «Дынама» Дзмітрый Квартальнаў пракаментаваў матчы першага раўнда плэй-оф КХЛ супраць маскоўскага «Дынама».
2 сакавіка першы матч серыі завяршыўся паражэннем мінчан (1:4).
– Супернік у нас няпросты, усё ж маскоўскае «Дынама» выйграла рэгулярку. Вядома ж, гульні абяцаюць быць цяжкімі, складанымі і перш за ўсё цікавымі.
Мы гатовы даць бой, таму што каманда дэманстравала на працягу ўсяго сезона, што можа абыгрываць любога суперніка. Паказвалі, што абраны шмат гадоў таму вектар прасоўвання маладых дае плён.
Каманда дадае кожны сезон, прагрэсуе. Гэта самае галоўнае, гэта наша мэта, і ў будучыні гэта прынясе свой плён, – сказаў Квартальнаў.
Адзначым, што ў сезоне-2023/24 мінскае «Дынама» не атрымала ніводнай перамогі над маскоўскім, саступіўшы ва ўсіх 4 матчах рэгулярнага чэмпіянату (1:2, 1:4, 1:4, 1:2).
