Аляксей Кудашоў: «Мiнскае «Дынама» нічым не здзівіла, да чаго рыхтаваліся, тое і ўбачылі»

Галоўны трэнер маскоўскага «Дынама» Аляксей Кудашоў падвёў вынік матчу першага раунда плэй-оф КХЛ з мінскім «Дынама» (1:3).

Нагадаем, што каманда галоўнага трэнера «зуброў» Дзмітрыя Квартальнава завяршыла выступленне на турніры.

– Хачу падзякаваць дынамаўскім заўзятарам, прычым усім. Яны сёння стварылі звар'яцелую атмасферу. Думаю, што дзве каманды ўзнагародзілі іх добрай ігрой на пляцоўцы. Чарговы раз паўтаруся, што мінчане вельмі выдатна дзейнічаюць і іх месца ў рэгулярным чэмпіянаце не адпавядае якасці хакея – яны павінны быць вышэйшыя. Яны добра падрыхтаваліся да плей-оф – на ўсіх пазіцыях ёсць моцныя гульцы. Мы разумелі і ўпэўніліся ў тым, што гэта вельмі складаная серыя.

Я ўдзячны нашым гульцам, што яны крыху перастроіліся і згулялі не заўсёды ў той хакей, які мы хацелі б бачыць, але згулялі на вынік у тых момантах, у якіх гэта патрабавалася. Ніводны зыход матчу не быў вядомы загадзя – усё вырашалася ў канцоўках. Сённяшняя гульня стала фінальнай кропкай, калі да апошніх секунд нічога не было зразумела. Уся серыя ішла як сённяшняя гульня – упарта. Абедзве каманды тактычна гулялі вельмі пісьменна – імкнуліся адзін аднаго злавіць на памылках, нешта ўбачыць і прымяніць супраць саперніка. Лічу, што было шмат дужання і калектывы паказалі добрыя хуткасці. У нас у серыі не было такой колькасці боек, але напалу было дастаткова.

– Якія асноўныя складнікі поспеху вашай каманды? Чым здзівіў Мінск?

– Сапернік нічым не здзівіў. Магчыма, кагосьці, але не мяне. Да чаго мы рыхтаваліся, тое і ўбачылі. Мы выйгралі за кошт самаадданасці і самааддачы. У нас была добрая арганізаванасць гульні. Пачатак серыі на сваёй пляцоўкі таксама даў нам перавагу – першыя выйграныя матчы далі нам перавагу.

– Наколькі дарэчы ў гэтай серыі прымяніць выраз аб тым, што ў плэй-оф зыходы вырашаюць трэція-чацвёртыя звёны?

– Не люблю вылучаць кагосьці, усе нашы гульцы згулялі выдатна. Наша першае звяно сцягнула на сябе вельмі шмат сіл саперніка. Калі ўзяць другое, то яны закінулі шмат ключавых шайб. Калі людзі выходзяць на лёд, толькі тады мы можам вызначыць, хто і з кім лепей глядзіцца. Сёння ў нас было пяць левых крайніх нападаючых – Чарнышоў часам выходзіў у першым звяне. Такім чынам мы крыху блытаем суперніка, – сказаў Кудашоў.