У хакейным «Магілёве» змянілі трэнера. Праўда, усяго на адзін дзень
Мілата дня.
6 кастрычніка «Магілёў» прымаў дома аднаго з лідараў Экстралігі «Віцебск». Але прыцягвала ўвагу да гульні не імёны ўдзельнікаў, а той факт, што ў якасці арганізатараў мерапрыемства былі заяўлены дзеці. Галоўны трэнер, доктар, журналісты, група падтрымкі, вядучы і нават маскот клуба – усе гэтыя пазіцыі на адзін дзень былі заняты юнымі аматарамі хакея.
У «Магілёве» расказваюць, што дзеці настолькі загарэліся ідэяй, што за 3 дні ўсе вакансіі былі занятыя, а заяўкі працягвалі паступаць. Прыйшлося нават прыдумаць яшчэ некалькі пасад. У выніку клуб адабраў 14 удзельнікаў, якім трэба было правесці сапраўдны хакейны матч дэй.
На перадматчавую раскатку «львоў» вывела галоўны трэнер каманды Чарэдава Мілана:
Прэс-сакратар Дар'я Яшчанка ўзяла ў Ягора Каліна флэш-інтэрвʼю па выніках 1-га перыяду:
А вось і міні-маскот разам са сваім вялікім сабратам:
Стартавае ўкідвання даверылі юнаму вельмі маладому арбітру:
Дарэчы, кантракты з усімі юнымі працаўнікамі падпісваў дырэктар клуба Цімафей Шапялёў:
На жаль для заўзятараў «Магілёва», парадаваць вынікам іх любімая каманда не змагла, уступіўшы «Віцебску» з лікам 0:2. Але паражэнне забудзецца, а яркія эмоцыі і цёплыя ўспаміны ад праведзенага дня ў дзяцей застануцца на заўсёды.
Фота і відэа: сацсеткі хк «Магілёў»