Украінскі чэмпіён Еўропы і свету па паўэрліфтынгу Білаконь загінуў на вайне з РФ
На вайне супраць Расіі загінуў чэмпіён Еўропы і свету па паўэрліфтынгу, рэкардсмен Кнігі рэкордаў Украіны Аляксандр Білаконь. Пра гэта паведаміў ганаровы прэзідэнт Федэрацыі грэка-рымскай барацьбы Украіны Вадзім Кісіль.
«На вайне з расiйскімі фашыстамі загінуў Аляксандр Білаконь, чэмпіён свету і Еўропы па паўэрліфтынгу, рэкардсмен Кнігі рэкордаў Украіны.
Аляксандр быў адным з наймацнейшых людзей Украіны. Яшчэ ў 2017 годзе ў цэнтры Адэсы ён устанавіў рэкорд Украіны па перамяшчэнні чалавекам цягача з прычэпам, запоўненага людзьмі. У 2020 годзе Аляксандр Белаконь атрымаў Майстра спорту па волатаўскіх гульнях.
Вечная памяць, вечная слава Герою. Шчырыя спачуванні родным і блізкім. Царства Нябеснае», – напісаў Кісіль на сваёй старонцы ў Facebook.
Аляксандру было 32 гады.
