Арына Сабаленка: «Мне стала дрэнна эмацыйна пасля адной прэс-канферэнцыі. Але думаю, я спраўлюся»
Беларуская тэнісістка Арына Сабаленка зноў паскардзілася на ментальныя праблемы пасля прэс-канферэнцыі на «Ралан Гарос».
Нагадаем, што пасля матча 3-га тура супраць Камілы Рахімавай Сабаленка правяла закрытую прэс-канферэнцыю толькi для выбраных журналiстаў, падчас якой патлумачыла гэта пагрозай свайму «ментальнаму здароўю».
Паводле слоў Сабаленка, яна не адчувала сябе ў бяспецы падчас папярэдніх зносін з прэсай, якія прайшлі 31 мая.
Тады, нагадаем, журналістка Tribuna.com Дар'я Мешчаракова прапанавала Сабаленка пракаментаваць падпісанне ліста за Аляксандра Лукашэнку і ўдзел у яго прыёме ў канцы 2020 года, а таксама асудзiць беларускі удзел у вайне, якую з 24 лютага 2022 гады працягвае Расiя ва Украіне з выкарыстаннем тэрыторыі Беларусі. Спартсменка адмовiлася.
– Вы сказалі, што гэтыя два тыдні былі вельмі складанымі для вас у эмацыйным плане. Вы таксама сказалі, што хацелі паклапаціцца пра сабе, пра свае псіхічнае здароўе і дабрабыце. Ці быў за гэтыя два тыдні час, калі вы адчувалі, што не жадаеце гуляць у тэніс? Ці быў калі-небудзь час, калі вы думалі, што вашыя эмоцыі не дазволяць вам паказаць свой найлепшы тэніс?
– Не, такога не было. Так, мне стала дрэнна эмацыйна пасля адной прэс-канферэнцыі. Як я ўжо сказала, я не магла спаць. Але адзінае, што я магу рабіць добра ў гэтым жыцці – гэта гуляць у тэніс, таму я стараюся засяродзіцца на рэчах, якія магу кантраляваць і магу рабіць.
Не было ніводнага моманту, калі я б сказала, што не хачу гуляць у тэніс. Не, я сапраўды хачу гуляць у тэніс. Гэта адзінае, што я раблю добра ў жыцьці, і магу кантраляваць. Усё ў парадку.
Гэта была выдатная пара тыдняў з некаторымі праблемамі, эмацыянальнымі праблемамі, але я думаю, што спраўлюся. Я не ведаю. Думаю, я буду мацней, – сказала Сабаленка.
