Лапко пра Сабаленку: «Усе трэнеры Арыны ў Беларусi называлі яе дурной»

«У мяне было ў два-тры разы менш трэніровак, напэўна, чым у Сабаленкі. Пры гэтым я яе заўсёды ўспрымала для сябе, як небяспечнага суперніка, таму што мы аднагодкі і ўвесь час гулялі турніры да 12, да 14, да 16 гадоў. У нашых вочных матчах не было такога, што я ўвесь час яе абыгрывала, увесь час была сітуацыя 50 на 50. Можа быць, да 16 гадоў, адсотак нашых асабістых сустрэч стаў 60 на 40 на маю карысць.

Але гэта заўсёды быў небяспечны супернік для мяне, таму што Арына мае моц, сілу, у яе ёсць напор. З ёй мне заўсёды было цяжка гуляць. Асабліва, калі мы гулялі на хуткім пакрыцці: драўляных дошках ці на тэрафлексе.

Пры гэтым усе трэнеры Арыны звалі яе дурной. Я не хачу зараз казаць канкрэтна, пра каго ідзе гаворка, Спецыялісты лічылі, што Сабаленка ніколі нічога не даб'ецца. Так, сапраўды, яна магла распсіхавацца, у яе мог ляцець мяч паралельна корту ў фон. У Арыны часта бывалі эмацыйныя арэлі. Але гэта ніколі не выключала таго, што яна заўжды вельмі шмат працавала. Яна сябе тэнісу прысвячала больш, чым на 100, 200, нават на 1000%. І яе агеньчык ніколі не згасаў.

Аднак ніхто з настаўнікаў у яе не верыў. Калі Арыне споўнілася 15-16 гадоў, старшынёй беларускай тэніснай федэрацыі стаў Аляксандр Васільевіч Шакуцін. Менавіта гэты чалавек і ўбачыў у Сабаленка талент. Яна сапраўды яму вельмі моцна спадабалася як тэнісістка, і ён у яе паверыў. Затым склалася адпаведнае становішча, арганізавалася акадэмія. Туды былі ўлітыя сродкі», – сказала Лапко.

У студзені Арына Сабаленка абараніла тытул Australian Open, у фінале абгуляўшы кітаянку Чжэн Цыньвэнь з лікам 6:3, 6:2. Гэты трафей стаў для беларускі 12-м у кар'еры.