Васіліса Марзалюк: «На спаборніцтвах бываюць невялікія правакацыі да беларусаў. Але мы ганарымся сабой, ніколі не дадзім сябе ў крыўду»

Старэйшы трэнер зборнай Беларусі па барацьбе Васіліса Марзалюк падзялілася меркаваннем аб рэакцыі замежных спартсменаў на беларусаў, якіх дапусцілі ў нейтральным статусе.

– Як на беларускую зборную рэагуюць іншыя каманды?

– Я ўжо з'ездзіла на тры спаборніцтвы, не заўважыла нейкіх экстранезручных рэчаў, бываюць невялікія правакацыі.

Мы ганарымся сабой, ніколі не дадзім сябе ў крыўду, стаім адзiн за аднога сцяной. Шмат хто рады нас бачыць: калі яны прама пра гэта не кажуць, то могуць недзе падміргнуць нам. Ды і судзейства дастаткова лаяльна да нас у дадзены момант.

Іншыя спартоўцы былі рады бачыць нашых чэмпіёнаў, дэманстравалі гэта авацыямі, запрашаюць нас на зборы і са шкадаваннем паведамляюць, што не могуць да нас.

Недзе спорт усё роўна змяшаўся з палітыкай. Мы стараемся быць сумленнымі. Усе ведаюць, што мы – беларусы, бачаць, што мы класная каманда, я думаю, гэта нас нават больш згуртавала. Я думаю, што наша будучае пакаленне ўсведамляе ўсю сур'ёзнасць таго, што адбываецца, і будзе з годнасцю несці наш сцяг на міжнароднай арэне, – сказала Марзалюк.