Антон Смольскі: «У Беларусі катэгарычна супраць нейтральнага статусу. Хочацца паказваць, што ёсць такая краіна – Беларусь».
Беларускі біятланіст Антон Смольскі падзяліўся меркаваннем аб удзеле айчынных спартсменаў на Алімпіядзе ў нейтральным статусе.
– У Расіі неабыякая дыскусія: ці ехаць спартсменам у нейтральным статусе на Гульні ў Парыж. А як да такой перспектывы ставяцца ў Беларусі?
– У нас пакуль не было такога вопыту, каб мы ездзілі без сцяга і гімна, у адрозненне ад Расіі. Канешне, мы катэгарычна супраць нейтральнага статусу. Атрымліваецца, ты едзеш на Алімпіяду сам па сабе.
Можа, прагучыць, груба, але твая мэта – проста задаволіць свае патрэбы ў перамозе. Але што ёсць, то ёсць. Канешне, хочацца, каб былі і сцяг, і гімн. Хочацца паказваць іншым спартсменам, балельшчыкам, што ёсць такая краіна – Беларусь, пра якую многія, магчыма, і не чулі, – сказаў Смольскі.
Нагадаем, МАК лічыць магчымым удзел у АГ спартсменаў з Беларусі і Расіі толькі ў статусе індывідуальных нейтральных атлетаў (AIN) пры выкананні шэрагу патрабаванняў, сярод якіх адсутнасць «актыўнай падтрымкі» вайны ва Украіне, а таксама кантракта з ваеннымі або сілавымі ведамствамі Беларусі або Расіі. Магчымасць допуску AIN да Гульняў будзе вызначаць спецыяльна створаная МАК камісія AINERP.
