Ігар Кавалевіч: «Мяне адправіў на трыбуны гродзенскі суддзя – дай Бог яму здароўя, «Нёман» у фінале згуляе без мяне»
Галоўны трэнер гродзенскага «Нёмана» Ігар Кавалевіч пракаментаваў выхад каманды ў фінал Кубка Беларусі пасля перамогі над мінскім «Дынама» (2:0) у матчы ў адказ паўфіналу. Агульны лік – 2:1.
Адзначым, што Кавалевіч быў выдалены на 64-й хвіліне за спрэчкі з суддзямі.
Нагадаем, што галоўным арбітрам быў Сяргей Сцяцурын (Брэст), Сяргей Касавец і Дзяніс Пашкевіч (Брэст) – памочнікі арбітра, Алег Чыкун (Стоўбцы) – інспектар, Аляксей Абялеўскі (Гродна) – рэзервовы суддзя.
«Хачу павіншаваць гродзенскіх заўзятараў, падзякаваць за добрую падтрымку, ветэранаў вайны павіншаваць з надыходзячым святам, мы зрабілі для горада першы крок для заваявання кубка, прыкладзём усе намаганні. Думаю, наша перамога ні ў кога не выклікае сумневаў, спрацаваў наш план на гульню, заслужаная перамога, мы не далі стварыць «Дынама» момантаў у нашых варот, была задача строга згуляць у абароне і забіць гол. Усе замены, усё спрацавала.
Мы валодаем двума нападнікамі, Савіцкі і Зубовіч, у кубкавай гульні можа здарыцца ўсё, таму вырашылі іх не звязваць, таму што не было кім асвяжыць атаку. Васільеў добра готаў, а Кухарчык згуляў не вельмі, таму такі план быў у нас.
Мяне адправіў на трыбуны гродзенскі суддзя, вось так хварэюць за Гродна. Дай Бог яму здароўя, каманда ў фінале згуляе і без мяне», – сказаў Кавалевіч.