Крысціна Ціманоўская: «Мне трэба сачыць за тым, што кажу, каб у сваякоў у Беларусі не было праблем»
Беларуская лёгкаатлетка з польскім пашпартам Крысціна Ціманоўская расказала, што хвалюецца за сваіх сваякоў, якія засталіся ў Беларусі.
– Апошнія 1,5 гады ты значна часцей камунікавала не з рускамоўнымі, а з еўрапейскімі СМІ. Чаму?
– Таму што замежныя выданні не перакручваюць. А беларускія і рускія – увесь час. Чытаеш і думаеш: «Блін, ну не так жа ўсё было».
– «Рэдакцыя» зрабіла нармальны выпуск?
– Нуу... На мяне было шмат хейт з-за моманту, калі вядучы спытаў: «А Лукашэнка павінен сысці?» – І тыпу я замарудзілася.
Мы ў той момант стаялі ў калідоры. Вядучы ўбачыў у мяне татуіроўку, і мы казалі пра яе. А потым раптам ён абарваў мяне на паўслове: «Лукашэнка павінен сысці?» Я ў ступары. Была здзіўлена такім рэзкім пераходам. Плюс на той момант я толькі што прыехала ў Польшчу і была моцна напалохана ўсёй сітуацыяй. У мяне бацькі ў Беларусі, і здавалася, што варта згадаць у інтэрв'ю Лукашэнку – у іх пачнуцца праблемы. Таму я пастаралася абысці гэтае пытанне. А на мяне столькі ўсяго абрынулася!
Але тады адказаць на яго добра было проста нельга. І я прасіла, каб яго не ўстаўлялі ў інтэрв'ю. Але...
– Цяпер ты можаш выказвацца пра Лукашэнку?
– У мяне сямʼя па-ранейшаму ў Беларусі, не думаць пра яе я не магу. Мне трэба сачыць за тым, што кажу, каб у сваякоў не было праблем, – сказала Ціманоўская.
