Дзмітрый Губерніеў: «Нечакана даведаўся, што беларусы не атрымліваюць прызавыя на Кубку Расіі. Мы ім даплочваць павінны за тое, што яны прыязджаюць»

Расійскі каментатар Дзмітрый Губерніеў шчыра здзівіўся адсутнасці прызавых для беларусаў на Кубку Расіі па біятлоне.

– Зусім нечакана для сябе даведаўся, што, аказваецца, беларусы не атрымліваюць прызавых на стартах Кубка Расіі. Заязджаюць у шасцёркі мацнейшых, а грошай не атрымліваюць.

Я нават патэлефанаваў у СБР, удакладніў. Аказваецца, усё так, ёсць такое рашэнне, што беларусы на Кубку Расіі без грошай. На Кубку Садружнасці яны атрымліваюць прызавыя, там усё ў парадку, а на Кубку Расіі – чамусьці не. Вельмі дзіўнае і нелагічнае рашэнне. Хлопцы, мы беларусам яшчэ даплочваць павінны за тое, што яны да нас прыязджаюць і дабаўляюць канкурэнцыі.

Мы ім павінны зыбку залатую прыгатаваць для таго, каб яны выступалі ў нас. Рабяты, давайце плаціць беларусам, якія сапраўды заваёўваюць месцы ў шасцёрцы. Гэта зусім відавочна трэба зрабіць. Калі людзі прыязджаюць на Кубак Расіі, які мае адкрыты статус, павінны быць роўныя ўмовы. Так што, сябры – беларусам трэба плаціць грошы, калі яны паказваюць прызавы вынік.

Можа з ліку нашых мецэнатаў нехта знойдзецца, каб асобна адзначыць вось такіх спартсменаў, як Смольскі, Сола? Рабяты, мы павінны беларусаў на руках насіць, каб гэтыя старты былі міжнароднымі, мы павінны іх завабліваць разнастайнымі калачамі і пернікамі.

Мы дапамагаем ім, гэтым дапамагаем сабе. Канкурэнцыя патрэбна. І калі беларусы прыязджаюць да нас, трэба раскрыць абдымкі. Даеш прызавы фонд беларусам! Мы будзем тапіць за сяброў, і я першы гэта буду рабіць, – сказаў Губерніеў.