«Ювентус» хоча падпісаць Хёйб'ерга ці Хефрэна Цюрама на замену Пагба
«Ювентус» разглядае магчымасць узмацніць паўабарону зімой, паведамляе Corriere della Sera.
Галоўнай опцыяй турынцы лічаць хаўбека «Тотэнхэма» П'ера-Эміля Хёйб'ерга. «Ювентус» ужо спрабаваў падпісаць яго ўлетку. Тады датчаніна хацелі абмяняць на Артура, якога ў выніку арандавала «Фіярэнціна».
Іншым кандыдатам на гэтую пазіцыю з'яўляецца паўабаронца «Ніцы» Хефрэн Цюрам.
Турынцы разглядаюць гэтых гульцоў у якасці замены для Поля Пагба, які здаў станоўчы допінг-тэст на тэстастэрон.
Раней была інфармацыя, што прычынай станоўчага тэсту француза магла стаць харчовая дабаўка, якую ён набыў па парадзе сябра-лекара.
Калі адвакатам Пагба ўдасца даказаць, што ён прыняў забароненае рэчыва несвядома, футбаліст зможа разлічваць на менш строгую дыскваліфікацыю, гэта значыць менш за 2 гады.
