Паўторная допінг-проба Пагба на тэстастэрон аказалася станоўчай – яму пагражае бан на 2-4 гады

Паўабаронца «Ювентуса» Поль Пагба паўторна праваліў допінг-пробу на тэстастэрон.

Першы станоўчы тэст ён здаў пасля матчу з «Удынезэ» (3:0) у рамках 1-га тура Серыі А, які прайшоў 20 жніўня.

Раней была інфармацыя, што прычынай станоўчага тэсту Пагба на допінг магла стаць харчовая дабаўка, якую ён набыў па парадзе сябра-ўрача.

Цяпер чэмпіён свету ў складзе зборнай Францыі часова дыскваліфікаваны Нацыянальным антыдопінгавым трыбуналам Італіі.

У выпадку дыскваліфікацыі «Юве» мае права скасаваць кантракт з Пагба да 2026 года з заробкам 8 млн еўра ў год. У гэтым выпадку клуб зэканоміць больш за 30 млн еўра. Клуб таксама можа прыпыніць выплату зарплаты гульцу, гарантуючы яму мінімальную зарплату (39 тысяч еўра брута).

Ёсць верагоднасць таго, што будзе дасягнута пагадненне аб прызнанні Полем віны з наступным змякчэннем санкцый, якія складуць не больш за 50% ад таго, што запытае пракурор. Калі запыт будзе 2 гады, дык дыскваліфікацыя можа скласці 12 месяцаў.