Радзівон Пячура: «Хацеў бы паспрабаваць сябе ў Расіі, але для гэтага трэба нешта тут паказаць»
Нападаючы «Мінска» Радзівон Пячура распавёў пра тое, куды хацеў бы далей перайсці.
– Некалькі гульцоў ужо пакінула клуб. У многіх дзейныя кантракты. Ці застанецеся ў клубе вы?
– Калі большасць рабят застанецца, то так. Зразумела, што некаторыя сыйдуць на павышэнне. Тыя ж Гурбан і Душэўскі заслужылі. Але хацелася б захаваць аснову. У такім разе мы можам выступіць нашмат лепш, чым у мінулым сезоне.
– Ці ёсць прапановы ад іншых клубаў?
– Пакуль не звязваліся.
– Калі не «Мінск», то ў якім клубе хацелі б выступаць?
– Цяжка сказаць.
– Цяпер у Беларусі намецілася такая тэндэнцыя, што футбалісты масава з'язджаюць у расійскую Першую лігу, у Казахстан. Калі вынесці за дужкі топ-5 ліг, дзе б хацелі пагуляць вы?
– У той жа Расіі хацеў бы сябе паспрабаваць. Паглядзець, што там за ўзровень.
– Гэта значыць, калі вам паступіць прапанова ад каманды верха-сярэдзіны расійскай Першай лігі, то вы яе разгледзіце?
– Так. Але каб яе атрымаць, трэба тут нешта паказаць, – адказаў Пячура.
